పంటలను క్షేత్రస్థాయి పరిశీలన చేసిన జిల్లా స్థాయి అధికారి

కనిగిరి మండలంలోని బొమ్మిరెడ్డిపల్లి, తాళ్లూరు రైతు సేవ కేంద్రాల పరిధిలో పంట పొలాలను, రికార్డులను జిల్లా వ్యవసాయ శాఖ అధికారి ఎస్. శ్రీనివాసరావు మంగళవారం క్షేత్రస్థాయిలో తనిఖీ చేశారు. ఈ క్రాప్ లో నమోదైన పట్టాదారులు, కౌలు రైతులు సాగు చేసిన పంటలను పరిశీలించారు. నమోదైన రైతులు తప్పనిసరిగా ఈకేవైసీ చేయించుకోవాలని శ్రీనివాసరావు సూచించారు. ప్రభుత్వ సబ్సిడీలను వినియోగించుకోవాలని తెలిపారు.