ఫ్రెండ్స్ సర్వీస్ సొసైటీ ఆధ్వర్యంలో గురుకుల మోడల్ పరీక్ష

రెడ్డిగూడెం: రెడ్డిగూడెం మండల కేంద్రంలో "ఫ్రెండ్స్ సర్వీస్ సొసైటీ ఆఫ్ ఫ్రీ ఎడ్యుకేషన్ అండ్ ట్రైనింగ్ సెంటర్ "నందు సంస్థ నిర్వాహకులు చాట్ల విజయకుమార్ ఆధ్వర్యంలో గురుకుల పాఠశాలల్లో 5 వ తరగతి ప్రవేశానికి జరిగే పరీక్షకు మోడల్ పరీక్ష నిర్వహించారు. ఈ సందర్భంగా ఎంఎన్ఆర్ ఫౌండేషన్ ఛైర్మన్ ముప్పిడి నాగేశ్వరరెడ్డి, వైస్ ఎంపీపీ చాట్ల రాబర్ట్, రెడ్డిగూడెం సర్పంచి మల్లాది రాణి, తెలుగువార్త పత్రిక రిపోర్టర్ అయ్యంకి బాలు పరీక్ష పేపర్లను విడుదల చేసి విద్యార్థులకు శుభాకాంక్షలు తెలిపారు. ఈ సందర్భంగా వారు మాట్లాడుతూ చదువు మనిషిని ఋషి గా మారుస్తుందనీ అన్నారు. ఈ పరిసర ప్రాంతాల్లో పేద విద్యార్థులకు ఉచితంగా ఇలాంటి సదుపాయం ఏర్పాటు చేసిన "ఫ్రెండ్స్ సర్వీస్ సొసైటీ" కి ఎప్పుడూ తమ సహకారం ఉంటుందని భరోసా ఇచ్చారు.