నిమజ్జనోత్సవాలు ప్రశాంతంగా నిర్వహించుకోవాలి: డిఎస్పీ

వినాయక చవితి సందర్భంగా నవరాత్రి ఉత్సవాలు, నిమజ్జనోత్సవాలు ప్రశాంతంగా నిర్వహించుకోవాలని అవనిగడ్డ డిఎస్పి మురళీధర్ తెలిపారు. మంగళవారం అవనిగడ్డలో వినాయక చవితి పందిళ్ళ నిర్వాహకులతో డీఎస్పీ సమావేశం నిర్వహించారు. చవితి వేడుకల సందర్భంగా నిర్వహించే నిమజ్జనోత్సవాల్లో ఎలాంటి డీజేలకు అనుమతులు లేవన్నారు. ఇతర పార్టీలను రెచ్చగొట్టే పాటలు పెట్టరాదని హెచ్చరించారు. ఈ కార్యక్రమంలో సిఐ యువకుమార్ పాల్గొన్నారు.