గండేపల్లి: పండుగకు ఊరు వెళితే ముందస్తు సమాచారం ఇవ్వండి

విజయదశమి సందర్భంగా దసరా సెలవులకు ఎవరైనా ఊరు వెళితే తప్పనిసరిగా పోలీస్ స్టేషన్ కు మందస్తు సమాచారం ఇవ్వాలని గండేపల్లి ఎస్ఐ శివ నాగబాబు తెలిపారు. పండుగకు ఊరు వెళ్లేవారు విలువైన వస్తువులు, వెండి ఆభరణాలు, డబ్బులను బ్యాంకు లాకర్లో దాచుకోవాలని సూచించారు. ఊరికి వెళుతున్న విషయాన్ని ఎట్టి పరిస్థితుల్లోను సోషల్ మీడియాలో పంచుకోవద్దని ఊరికివెళ్లే ముందు దగ్గరలోని పోలీస్ స్టేషన్ కు సమాచారం ఇవ్వాలని తెలియజేశారు.