ఘనంగా ఏపీఐఐసీ స్టేట్ డైరెక్టర్ కల్లూరి చంద్రఓబుల్ రెడ్డి జన్మదిన వేడుకలు

అన్ని దానాల కన్నా అన్నదానం గొప్పదని వైకాపా నాయకుడు ముత్యాల ఆంజనేయులు, చంద్రశేఖర్ రెడ్డి (దిల్ మాంగే) రాజగోపాల్ రెడ్డి, ఎస్సీ మండల నాయకుడు కమతం రాజా, భారతీ, జర్నలిస్టులు, మదర్ తెరిసా వృద్ధాశ్రమం నిర్వాహకుడు వెంకటసుబ్బయ్య అన్నారు. ఆదివారం వేంపల్లి పట్టణ సమీపంలోని రాజీవ్ నగర్ కాలనీ వద్ద ఉన్న మదర్ తెరిసా అనాథ వృద్ధాశ్రమంలో వేంపల్లి మండల వైకాపా కన్వీనర్, & ఏపీఐఐసీ స్టేట్ డైరెక్టర్ కల్లూరి చంద్రఓబుల్ రెడ్డి జన్మదినం సందర్భంగా ఆయన జన్మదిన వేడుకలను అనాధ వృద్ధుల మధ్య ఘనంగా నిర్వహించారు. ముందుగా భారీ కేక్ కట్ చేసి వృద్ధులకు పంచిపెట్టారు. అనంతరం వృద్ధులకు అన్నదాన కార్యక్రమం నిర్వహించి, స్వీట్లు పండ్లు పంపిణీ చేశారు. ఈ సందర్భంగా వారు మాట్లాడుతూ వైఎస్ కుటుంబం కోసం వైకాపా పార్టీ కోసం అహర్నిశలు కష్టపడి పని పనిచేస్తున్న తమ నాయకుడి జన్మదిన వేడుకలను జరుపుకోవడం తమకు ఆనందంగా ఉందని వైకాపా నాయకుడు ముత్యాల ఆంజనేయులు తెలిపారు. తమ నాయకుడి జన్మదిన వేడుకలను అనాధల మధ్య జరుపుకోవడం తమకు సంతోషాన్ని కలిగించిందని చెప్పారు. ప్రతి ఒక్కరూ సేవా భావాలను అవలంబించుకోవాలని పిలుపునిచ్చారు. ఈ కార్యక్రమానికి హాజరైనటువంటి వైకాపా నాయకులకు, జర్నలిస్టులకు ఆయన కృతజ్ఞతలు తెలపారు. ఈ జన్మదిన వేడుకల్లో వారితో పాటు బాబు, రమణ, ప్రసాద్, శివ, అంజి, బికారి, ప్రసాద్ అమీర్, నాగేంద్ర తదితరులు పాల్గొన్నారు.