தேசிய சீனியர் ஹாக்கி: காலிறுதியில் தமிழக அணி தோல்வி

சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் 14வது ஹாக்கி இந்தியா தேசிய சீனியர் ஆண்கள் சாம்பியன்ஷிப் போட்டி நடந்து வருகிறது. இதில் நேற்று நடந்த காலிறுதியில் தமிழக அணி 1-3 என்ற கோல் கணக்கில் உத்திரப் பிரதேச அணியிடம் தோற்றது. உத்திரப் பிரதேச அணியில் சந்தன் சிங், ராஜ்குமார் பால், லலித்குமார் உபாத்யாய் ஆகியோர் கோலடித்தனர். தமிழக அணி தரப்பில் சண்முகவேல் பதில் கோல் அடித்தார். அரைஇறுதியில் மணிப்பூர்- ஒடிசா மற்றும் அரியானா-உத்திரப் பிரதேசம் அணிகள் மோதுகின்றன.