నలుగురు జూదరులు అరెస్ట్
వేంపల్లె పరిధిలోని మదీనపురం శివారు ప్రాంతాల్లో నలుగురు జూదరులను అరెస్టు చేసినట్లు ఎస్సై తిరుపాల్ నాయక్ వెల్లడించారు. మంగళవారం సాయంత్రం అందిన సమాచారం మేరకు.. సిఐ సురేష్ రెడ్డి ఆదేశాల ప్రకారం తన సిబ్బందితో కలిసి జూదం ఆడుతున్న వారిపై దాడులు చేశామన్నారు. అనంతరం జూదం ఆడుతున్న నలుగురిని అదుపులోకి తీసుకుని కేసు నమోదు చేసినట్లు ఎస్సై తెలిపారు. అలాగే రూ. 3 వేలు నగదును స్వాధీనం చేసుకున్నట్లు చెప్పారు.
