శావల్యాపురంలో ఆటో దగ్ధం

ఇంటి ముందు నిలిపిన ఆటోకి గుర్తు తెలియని వ్యక్తులు నిప్పు పెట్టిన ఘటన శావల్యాపురం మండల కేంద్రమైన శావల్యాపురం బిసి కాలనీలో చోటు చేసుకుంది. బాధితుడు వేముల శ్రీనివాసరావు తెలిపిన వివరాల ప్రకారం.. ఎప్పటిలాగే సోమవారం రాత్రి తన ఆటోని ఇంటి ముందు నిలిపానని, మంగళవారం తెల్లవారుజామున ఇంటి ముందు మంటలు రావడంతో వెళ్ళి చూడగా తన ఆటో పూర్తిగా దగ్ధమైందని తెలిపారు. వెంటనే పోలీసులకు సమాచారం అందించామని అన్నారు.