నరసాపురం: పంచారామ క్షేత్రాలకు ప్రత్యేక బస్సులు

కార్తీకమాసం సందర్భంగా నరసాపురం డిపో నుంచి పంచారామ క్షేత్రాలను దర్శించుకునేందుకు వీలుగా ప్రత్యేక బస్సులు తిప్పుతున్నట్లు ఆర్టీసీ డిపో మేనేజర్ సుబ్బన్నరెడ్డి ఆదివారం చెప్పారు. ఈ నెల 3, 10, 17, 24వ తేదీల్లో నరసాపురం బస్ స్టాండ్ నుంచి బస్సులు బయలుదేరనున్నట్లు తెలిపారు. ఆదివారం రాత్రి బయలుదేరే ఈ బస్సులు సోమవారం ఒక్క రోజులోనే అన్ని క్షేత్రాలను దర్శించి తిరిగి నరసాపురానికి చేరుకుంటాయని వివరించారు.