భవిష్యత్ వ్యవసాయ ప్రణాళిక సిద్ధం చేయండి

రైతులకు లాభసాటి వ్యవసాయం కోసం ప్రణాళికలు సిద్ధం చేయాలని తంబళ్ళపల్లి ఎంపీడీవో సురేంద్రనాథ్ అధికారులకు సూచించారు. శుక్రవారం ఆయన ఏఓ, ఏఎస్ఓ, సిరికల్చర్ అధికారులతో సమీక్ష నిర్వహించారు. మండలంలో రాబోయే రోజుల్లో రబీ, ఖరీఫ్ పంటలతో పాటు పండ్ల తోటలు, సిరికల్చర్, వర్షాదారిత పంటలపై రైతుల నుండి సలహాలు, సూచనలు సేకరించాలన్నారు. రైతులు భవిష్యత్తులో వ్యవసాయం పండుగలా చేసుకోవడానికి సహకరించాలని కోరారు.