లక్ష్మి నరసింహస్వామికి ప్రత్యేక పూజలు

ఉరవకొండ మండలం పెన్నహోబిలంలో వెలసిన శ్రీలక్ష్మి నరసింహస్వామి ఆలయంలో శనివారం శ్రీవారికి ప్రత్యేక పూజలు నిర్వహించారు. స్వామివారి మూల విరాటుకు తెల్లవారుజాము నుంచి అభిషేకాలు, అర్చనలు తదితర పూజా కార్యక్రమాలు చేశారు. వివిధ రకాల పుష్పాలతో శ్రీవారిని సుందరంగా అలంకరించారు. మంగళ వాయిద్యాలు నడుమ శ్రీవారికి మంగళహారతి అనంతరం నైవేద్యం సమర్పించారు. భక్తులు భారీగా తరలివచ్చి స్వామివారిని దర్శించుకున్నారు.