శింగనమల: ఇస్కాన్ సేవకుల మృతి విచారకరం

శింగనమల మండలం నాయనపల్లి క్రాస్ వద్ద జరిగిన రోడ్డు ప్రమాదంలో ఇస్కాన్ సేవకులు ఆరుగురు మృతి చెందడం పై ఎమ్మెల్యే శ్రావణిశ్రీ విచారం వ్యక్తం చేశారు. ఆరు ప్రాణాలు గాలిలో కలిసిపోవడం తీవ్ర దిగ్భ్రాంతికి గురిచేసిందన్నారు. మృతుల కుటుంబాలకు సానుభూతి వ్యక్తం చేశారు. భక్తి మార్గంలో వెళ్లే వారికి ఇలాంటి మరణం రావడం బాధాకరమన్నారు. ఆ కుటుంబాలను ప్రభుత్వం నుంచి ఆదుకుంటామని తెలిపారు.