రాప్తాడు: కనగానిపల్లి చెరువు మరమ్మతులకు 50 లక్షలు మంజూరు చేయండి

అనుకోకుండా కురిసిన భారీ వర్షాల కారణంగా రాప్తాడు నియోజక వర్గంలోని కనగానే పల్లె తెగిన చెరువుకు 50 లక్షల రూపాయలు మంజూరు చేయించాలని రాప్తాడు ఎమ్మెల్యే పరిటాల సునీత సత్యసాయి జిల్లా కలెక్టర్కు విజ్ఞప్తి చేశారు. ఎమ్మెల్యే పరిటాల సునీత జిల్లా కలెక్టర్ ఆర్డీవో మరియు ఇరిగేషన్ అధికారులను వెంట తీసుకెళ్లి తెగిన చెరువును పరిశీలించారు. అకస్మాత్తుగా వచ్చిన భారీ వర్షానికి చెరువు సామర్థ్యానికి మించిన వరద నీరు రావడంతో బ్రిడ్జ్ తెగి నీరు మొత్తం బయటికి వెళ్ళిందని ఆమె అన్నారు. అంతే కాకుండా నియోజకవర్గంలో పలు రహదారులు బాగా దెబ్బతిన్నాయని వాటి మరమ్మతులు వేగవంతంగా పూర్తి చేయించాలని అధికారులకు విజ్ఞప్తి చేశారు.