యర్రగుంటలో భక్తి శ్రద్ధలతో మారెమ్మ జాతర

కుందుర్పి మండలం యర్రగుంట గ్రామంలో మంగళవారం, బుధవారం ఘనంగా భక్తి శ్రద్ధలతో మారెమ్మ జాతర ను నిర్వహించారు. సుదూర ప్రాంతాల నుంచి జాతరను తిలకించేందుకు ప్రజలు భారీ సంఖ్యలో తరలి వచ్చారు. అమ్మవారికి బోనాలు సమర్పించి విశేష పూజలు నిర్వహించి తమ మొక్కుబడులను తీర్చుకున్నారు. మారెమ్మ దేవతా విగ్రహాన్ని మేళ తాళాలతో గ్రామంలో ఊరేగింపు నిర్వహించారు.