సింహాచలం: అప్పన్న బాబును దర్శించుకున్న కమిషనర్

రాష్ట్ర ఆరోగ్య మరియు కుటుంబ సంక్షేమ శాఖ కమిషనర్ వి. కరుణ మంగళవారం సింహాచలం ఆలయంలో సింహాద్రి అప్పన్నను దర్శించుకున్నారు. ఆలయానికి వచ్చిన ఆమె కప్ప స్తంభాన్ని ఆలింగనం చేసుకున్నారు. అప్పన్నబాబుకు ప్రత్యేక పూజలు అభిషేకాలు నిర్వహించారు. దర్శనం అనంతరం వేద పండితులు ఆమెను ఆశీర్వదించి తీర్థ ప్రసాదాలు అందజేశారు. ఈ కార్యక్రమంలో జిల్లా వైద్య ఆరోగ్య శాఖ అధికారి డాక్టర్ జగదీశ్వరరావు పాల్గొన్నారు.