వరంగల్ లో తప్పిపోయిన యువకుడు తిరుపతిలో లభ్యం..

వరంగల్ జిల్లా వర్ధన్నపేట మండలంలోని దమ్మన్నపేట గ్రామానికి చెందిన చొప్పరి శ్రీ రామ్ అనే యువకుడు ఈనెల 25 న తప్పిపోగా తండ్రి రాజేందర్ పోలీసులకు ఫిర్యాదు చేశాడు. దీంతో కేసు నమోదు చేసిన ఎస్సై మెరుగు రాజు విచారణ చేస్తూ ప్రకటన విడుదల చేశారు. ఈ మేరకు శ్రీ రామ్ సోమవారం తిరుపతిలో అనుమానాస్పదంగా సంచరిస్తుండగా స్థానికంగా ఉన్న డ్రైవర్ గమనించి పోలీసులకు సమాచారం ఇవ్వగా, పోలీసులు యువకుడిని తల్లిదండ్రులకు అప్పగించారు.