ఏటూరునాగారంలో మూడు దుకాణాల్లో చోరీ.. కేసు నమోదు

ములుగు జిల్లా ఏటూరునాగారంలోని రామన్నగూడెం రోడ్డులో ఉన్న 3 చిరు వ్యాపారుల దుకాణాల్లో బుధవారం అర్ధరాత్రి దొంగలు పడినట్లు బాధితులు తెలిపారు. గురువారం షాపు వద్దకు వెళ్లేసరికి తాళాలు పగలగొట్టి ఉండడంతో దొంగతనం జరిగినట్లు గుర్తించినట్లు చెప్పారు. షాపుల్లోని కూల్ డ్రింక్స్, ఇతర సామగ్రి, సిసి కెమెరాలకు చెందిన హార్డ్ డిస్కులు ఎత్తుకెళ్లారని పేర్కొన్నారు. కాగా బాధితులు పోలీసులకు ఫిర్యాదు చేసినట్లు తెలిపారు.