ఏటూరునాగారంలో ఘనంగా పోచమ్మ బోనాలు

ములుగు జిల్లా ఏటూరునాగారం మండల కేంద్రంలో బుధవారం పోచమ్మ తల్లికి బోనాలను ఘనంగా నిర్వహించారు. మండల కేంద్రంలోని మహిళలు ఉదయాన్నే తలంటు స్నానం చేసి, భక్తిశ్రద్ధలతో ఉపవాస దీక్షలు చేపట్టారు. అనంతరం సాయంత్రం పెద్దఎత్తున నెత్తిన బోనాలు పెట్టుకొని డప్పు వాయిద్యాలు, శివసత్తుల పూనకాలతో పోచమ్మ తల్లి ఆలయానికి చేరుకున్నారు. అక్కడ కోళ్లను బలిచ్చి, బెల్లం పాశం, శాకం ఆరబోసి పోచమ్మ తల్లికి మొక్కుకున్నారు.