తాడ్వాయి మండలంలో 4జీ సేవలు ప్రారంభించిన ములుగు జిల్లా ఎస్పీ

ములుగు జిల్లా తాడ్వాయి మండలంలోని బంధాల ఏజెన్సీ ప్రాంత గిరిజనులకు నెట్వర్క్ సమస్యలు తొలగిపోయాయి. సెల్ ఫోన్ సిగ్నల్స్ లేకపోవడంతో తీవ్ర ఇబ్బందులు పడేవారు. ఎస్పీ శబరీశ్ చొరవతో ఎయిర్ టెల్ కంపెనీ ప్రతినిధులు బంధాలలో సెల్ టవర్ ఏర్పాటు చేశారు. 4జి సేవలను ములుగు జిల్లా ఎస్పీ శబరీష్ ప్రారంభించారు. త్వరలో జిల్లాలో సిగ్నల్ సమస్యలు ఉన్న ప్రాంతాలను గుర్తించి మరిన్ని టవర్లు ఏర్పాటు చేసేందుకు కృషి చేస్తామన్నారు.