మహబూబాబాద్: అకాల వర్షానికి తడిసిన మొక్కజొన్న

మహబూబాబాద్ జిల్లాలోని పలు ప్రాంతాల్లో శుక్రవారం సాయంత్రం అకాల వర్షం కురిసింది. ఈ క్రమంలో బయ్యారం మండలంలోని వివిధ గ్రామాలలో అకస్మాత్తుగా కురిసిన వర్షానికి మొక్కజొన్న తడిసి ముద్దయింది. దీంతో అన్నదాతలు ఆవేదన చెందుతున్నారు. ప్రభుత్వం తడిసిన ధాన్యాన్ని కొనుగోలు చేసి, తగిన గిట్టుబాటు ధర కల్పించాలని రైతులు కోరుకుంటున్నారు.