రథం దగ్ధం ఘటనపై సమగ్ర దర్యాప్తు చేపట్టాలని సీఎం ఆదేశం

ఏపీలోని అనంతపురం జిల్లాలో రథం దగ్ధం ఘటనపై ముఖ్యమంత్రి నారా చంద్రబాబు నాయుడు మండిపడ్డారు. కనేకల్ మండలం హనకనహల్‌లో అర్ధరాత్రి ఆలయ రథం దగ్ధమైంది. ఈ ఘటనను ఖండించిన సీఎం ఘటనపై సమగ్ర దర్యాప్తు చేపట్టి నిందితులను వెంటనే అరెస్టు చేయాలని అధికారులను ఆదేశించారు. వెంటనే ఘటనాస్థలికి వెళ్లి విచారణ చేయాలని కలెక్టర్‌, ఎస్పీని కోరారు. దర్యాప్తు వివరాలను ఎప్పటికప్పుడు తనకు తెలియజేయాలన్నారు.