ప్రైవేట్‌ పాఠశాలలో 5వ తరగతి బాలుడు అనుమానాస్పద మృతి

TG: సంగారెడ్డి జిల్లా జహీరాబాద్‌లోని ప్రైవేట్‌ స్కూల్‌లో 5వ తరగతి బాలుడు అనుమానాస్పద స్థితిలో మృతి చెందాడు. స్కూల్ హాస్టల్‌లో శనివారం సాత్విక్ (12) మృతదేహాన్ని గుర్తించారు. అతడి తల, పెదవులు, కనుబొమ్మలపై గాయాలున్నాయి. హాస్టల్‌లోని మంచంపై నుంచి పడి మృతి చెందాడని పాఠశాల యాజమాన్యం చెబుతోంది. జహీరాబాద్‌ ఏరియా ఆస్పత్రికి మృతదేహాన్ని తరలించారు. విద్యార్థి మృతిపై తల్లిదండ్రులు, బంధువులు ఆందోళన చేపట్టారు.