వేములవాడ: రాజన్న సేవలో 80 వేల మంది భక్తజనం

వేములవాడ శ్రీరాజరాజేశ్వరస్వామి వారిని సోమవారం 80 వేల 369 మంది భక్తులు దర్శించుకున్నారని ఈవో వినోద్ రెడ్డి ఒక ప్రకటనలో పేర్కొన్నారు. అధిక సంఖ్యలో భక్తులు రావడంతో ఆలయంతో పాటు పరిసర ప్రాంతాలు భక్తులతో కిటకిటలాడాయి. కార్తీక దీపాలు వెలిగించి సేవలో తరించారు. ధర్మ దర్శనంలో భక్తులకు ఎలాంటి ఇబ్బందులు లేకుండా ఆలయ ఈవో పర్యవేక్షిస్తున్నారు. అందరిని చల్లగా చూడు రాజన్న స్వామి అంటూ భక్తులు స్వామివారిని వేడుకున్నారు.