உலக ஆணழகன் பட்டத்தை வென்ற தமிழர்

மாலத்தீவில் 15வது உலக ஆணழகன் போட்டி நடைபெற்றது. இதில் இந்தியா, கஜகஸ்தான் உள்பட 36 நாடுகளில் இருந்து ஏராளமான ஆணழகன்கள் பங்கேற்றனர். இந்நிலையில் இந்த போட்டியில் கலந்துகொண்டு உலக ஆணழகன் பட்டத்தை வென்றுள்ளார் தமிழகத்தை சேர்ந்த சரவணன். 90கிலோ எடைப் பிரிவில் நாமக்கல்லை சேர்ந்த சரவணன் தங்கமும், 80கிலோ எடைப்பிரிவில் கன்னியாகுமரியை சேர்ந்த மரியோ என்பவர் வெள்ளியும் வென்று அசத்தினர். பதக்கங்களுடன் சென்னை வந்த வீரர்களுக்கு விமான நிலையத்தில் உற்சாக வரவேற்பு அளிக்கப்பட்டது.