రాయికోడ్: వైభవోపేతంగా దేవిదేవతల విగ్రహాల ఊరేగింపు మహోత్సవం

మండల కేంద్రమైన రాయికోడ్ లోని హనుమాన్ మందిరం పునఃప్రారంభం మహోత్సవంలో భాగంగా శనివారం హనుమంతుడికి అభిషేకం, ప్రత్యేక పూజాకార్యక్రమాలు నిర్వహించి భక్తులందరూ భక్తిశ్రద్ధలతో భజన చేస్తూ, పురవిధులగుండా దేవిదేవతల విగ్రహాల ఊరేగింపు మహోత్సవాన్ని ఘనంగా నిర్వహించారు. ఆలయ సన్నిధిలో అర్చకులు మంటప ప్రవేశం, పుణ్యవాచనము, ఋత్విక వరణము, దేవతలకు మంటప ఆహ్వానము, సర్వతో భద్రమండలం, వాస్తు మండలం పూజలు చేశారు.