రాజేంద్రనగర్: శివరాంపల్లి ఉపాధ్యాయురాలికి సన్మానం

శివరాంపల్లి ఉన్నత పాఠశాల హిందీ ఉపాధ్యాయురాలు రూపాదేవి పీహెచ్డీ పూర్తిచేసి డాక్టరేట్ సాధించడంతో ఆ పాఠశాల ఉపాధ్యాయుల బృందం మంగళవారం ఆమెను ఘనంగా సన్మానించి అభినందించింది. ఈ సందర్భంగా ప్రధానోపాధ్యాయుడు కిషన్ మాట్లాడుతూ ఉన్నత చదువుతో పాటు సకల కళలు కలిగి శ్రమించి పని చేసేతత్వం గల రూపాదేవి పాఠశాలకు రావడం విద్యార్థుల అదృష్టమన్నారు. రూపాదేవిని విద్యార్థులు స్ఫూర్తిగా తీసుకుని ఉన్నత శిఖరాలు అధిరోహించాలని సూచించారు.