బహదూర్ పురా: జోనల్ కమిషనర్ తో కలిసి పర్యటించిన ఎమ్మెల్యే
నియోజకవర్గంలోని జంక్షన్ల అభివృద్ధికి ప్రత్యేక కార్యచరణ రూపొందిస్తున్నామని బహదూర్ పురా ఎమ్మెల్యే మహ్మద్ మూబిన్ తెలిపారు. సోమవారం దూద్ బౌళి డివిజన్ పరిధిలో జోనల్ కమిషనర్ వెంకన్నతో కలిసి ఎమ్మెల్యే పర్యటించారు. సుందరీకరణ పనులను చేపట్టేందుకు అవసరమైన ప్రాంతాలను పరిశీలించారు. త్వరగా పనులను ప్రారంభించాలని సంబంధిత అధికారులను ఎమ్మెల్యే ఆదేశించారు. అలాగే ట్రాఫిక్ సమస్యలు లేకుండా చూడాలన్నారు.
