జన్నారం: సీపీఎం జిల్లా మహాసభలను విజయవంతం చేయాలి

మందమర్రి పట్టణంలో జరిగే సిపిఎం మంచిర్యాల జిల్లా 3వ మహాసభలను విజయవంతం చేయాలని సీపీఎం జన్నారం మండల కార్యదర్శి కనికారపు అశోక్ కోరారు. ఆదివారం ఆయన మాట్లాడుతూ సీపీఎం మూడవ మహాసభలు మందమర్రి పట్టణంలోని టీఎన్వి రమణ ప్రాంగణంలో నవంబర్ 8, 9 తేదీలలో జరుగుతాయన్నారు. ఆ మహాసభలకు సీపీఎం రాష్ట్ర నాయకులు రానున్నారని వెల్లడించారు. ఇందులో ప్రస్తుత రాజకీయ, ఆర్థిక, రైతు, ప్రజా సమస్యలపై చర్చిస్తామని ఆయన వివరించారు.