భువనగిరి: డివైడర్ ను ఢీ కొని ఒకరు మృతి, మరొకరికి గాయాలు
యాదగిరిగుట్ట మండలం గుండ్లపల్లికి చెందిన వల్లపు కరణ్ కుమార్ (25), జనగామకు చెందిన దున్నపోతుల ప్రశాంత్ బైక్ పై ఆదివారం స్వర్ణగిరి దేవాలయానికి వెళ్లారు. అక్కడి నుండి సమీపంలోని రేణుక ఎల్లమ్మ గుడిలో ఫంక్షన్ కు హాజరై తిరిగి వెళ్తుండగా ఐటిఐ కళాశాల వద్ద బైక్ అదుపు తప్పి డివైడర్ ను ఢీ కొట్టడంతో కరణ్ కుమార్ అక్కడికక్కడే మృతి చెందగా, ప్రశాంత్ కు తీవ్ర గాయాలయ్యాయి. ఎస్సై కేసు నమోదు చేసి దర్యాప్తు చేస్తున్నట్లు తెలిపారు.
