బుక్‌ డిపోలో అగ్నిప్రమాదం.. కాలి బూడిదైన సామగ్రి
కల్వకుర్తి పట్టణంలో శనివారం అగ్ని ప్రమాదం సంభవించింది. పట్టణంలోని ఆర్టీసీ డిపో సమీపంలో ఉన్న బుక్‌ డిపోలో ఒక్కసారిగా మంటలు చెలరేగి ఆ ప్రాంతమంతా దట్టమైన పొగ వ్యాపించింది. అదే సమయంలో పెట్రోలింగ్‌లో ఉన్న పోలీసులు గమనించి అగ్నిమాపక సిబ్బందికి సమాచారం ఇవ్వడంతో ఘటనా స్థలానికి చేరుకున్న సిబ్బంది ఫైర్ ఇంజిన్‌ సాయంతో మంటలను ఆర్పివేశారు. విద్యుత్‌ షార్ట్ సర్క్యూట్‌ కారణంగానే జరిగి ఉంటుందని పోలీసులు భావిస్తున్నారు.
