వనపర్తి: ఘనంగా సద్దుల బతుకమ్మ సంబరాలు

వనపర్తి జిల్లా కేంద్రంలోని 11 వ వార్డు రాంనగర్ కాలనీలో శుక్రవారం సద్దుల బతుకమ్మ సంబరాలు ఘనంగా జరిగాయి. ఈ సందర్భంగా కాలనీలో ఏర్పాటు చేసిన దుర్గామాత మండపం వద్ద సాయంత్రం కాలనీ మహిళలు, కాలనీవాసులు పెద్ద ఎత్తున పాల్గొని రంగురంగుల పూలతో అందమైన బతుకమ్మలను పేర్చి బతుకమ్మ ఆడారు. అనంతరం కోలాటం, బొడ్డెమ్మలతో ఊరేగింపుగా వెళ్లి జిల్లా కేంద్రంలోని నల్ల చెరువులో బతుకమ్మలకు ప్రత్యేక పూజలు నిర్వహించి, నిమజ్జనం చేశారు.