దేవరకద్ర: కురుమూర్తి స్వామివారిని దర్శించుకున్న ఐజీ దంపతులు

శ్రీశ్రీశ్రీ కురుమూర్తి స్వామి బ్రహ్మోత్సవాల్లో భాగంగా శనివారం దేవరకద్ర మండలంలోని కురుమూర్తి స్వామివారిని తెలంగాణ రాష్ట్ర ఐజి ఎం.రమేష్ రెడ్డి ఐపీఎస్ దంపతులు కుటుంబ సమేతంగా దర్శించుకుని స్వామివారికి ప్రత్యేక పూజలు నిర్వహించారు. అనంతరం సత్యనారాయణ వ్రతం కూడా నిర్వహించారు. ఐజి రమేష్ రెడ్డి కుటుంబం ఆధ్వర్యంలో ఏర్పాటు చేసిన అన్నదాన కార్యక్రమంలో అధిక సంఖ్యలో భక్తులు పాల్గొన్నారు.