టేకులపల్లి: లాభదాయక సాగు పద్ధతులు అలవర్చుకోండి

రైతులు లాభదాయక సాగు పద్ధతులు అలవర్చుకోవాలని జిల్లా కలెక్టర్ జితేశ్ వి. పాటిల్ సూచించారు. టేకులపల్లి మండలం వెంకట్యాతండా, బేతంపూడి గ్రామాల్లో రైతులను కలిసి ఆధునిక వ్యవసాయ పద్దతులు, ప్రత్యామ్నాయ పంటలపై రైతులకు గురువారం అవగాహన కల్పించారు. మొక్కజొన్న, పత్తి, మిర్చి వంటి సాగుతో పాటుగా మునగ, చేపల పెంపకం, తేనె టీగలు, పుట్టగొడుగులు, అజోల్లా వంటివి చేపట్టాలని వివరించారు.