పినపాక: విద్యార్థులకు వాలీబాల్ కిట్లు పంపిణీ
పినపాక మండలం ఏడుల్ల బయ్యారం సీఐ వెంకటేశ్వర్లు, ఎస్సై రాజ్ కుమార్ పినపాక ప్రభుత్వ సంక్షేమ వసతిగృహ విద్యార్థులకు వాలీబాల్ కిట్లను మంగళవారం అందజేశారు. సుందరయ్య నగర్ గ్రామానికి చెందిన ఆదివాసి యువకులు ఈ వాలీబాల్ కిట్లు ఏర్పాటు చేశారని వారు తెలిపారు. యువత పెడదోవ పట్టకుండా, మంచి మార్గంలో నడవాలని సీఐ సూచించారు. భవిష్యత్తులో తల్లిదండ్రులు మీపై పెట్టుకున్న నమ్మకాలను నిజం చేయాలని సూచించారు.
