ఖమ్మం: సాయుధ పోరాట యోధురాలు రాధమ్మ మృతి

ఖమ్మం సీపీఐ సీనియర్ నాయకురాలు, తెలంగాణ సాయుధ యోధురాలు పాటిబండ్ల రాధమ్మ (96) అనారోగ్యంతో శనివారం మృతిచెందారు. విషయం తెలుసుకున్న ఆ పార్టీ సీనియర్ జాతీయ నాయకులు పువ్వాడ నాగేశ్వరావు, జిల్లా కార్యదర్శి పోటు ప్రసాద్, తదితరులు ఆమె పార్దీవ దేహాన్ని సందర్శించి, పార్టీ జెండాను కప్పి, నివాళులు అర్పించారు. రాధమ్మ మృతి పార్టీకి తీరని లోటని పేర్కొన్నారు. నిబద్ధత కలిగిన చైతన్యవంతురాలిని కోల్పోయిందన్నారు.