మెట్పల్లి: వరద కాలువలో గల్లంతైన డాక్టర్ మృతదేహం లభ్యం

జగిత్యాల జిల్లా మెట్పల్లి మండలం విట్టంపేట గ్రామ శివారులోని వరద కాలువలో గల్లంతైన డాక్టర్ ఉదయ్ కిరణ్ రెడ్డి మృతదేహం సోమవారం లభ్యం అయ్యింది. మెట్పల్లిలోని యశోద హాస్పిటల్ లో ప్రముఖ వైద్యులుగా పని చేస్తున్న ఆయన ఆదివారం ఈతకు వెళ్లి గల్లంతయ్యాడు. ఆయన స్వస్థలం వరంగల్ కాగా, డాక్టర్ మరణ వార్తతో మెట్పల్లిలో విషాదఛాయలు అలుముకున్నాయి. పోలీసులు కేసు నమోదు చేసి దర్యాప్తు చేస్తున్నారు.