మంగళ్ హాట్ పోలీస్ స్టేషన్ పరిధిలో దారుణ హత్య

దారుణ హత్య జరిగిన ఘటన హైదరాబాద్ గోషామహల్ నియోజకవర్గం మంగళ్ హాట్ పోలీస్ స్టేషన్ పరిధిలో సోమవారం వెలుగు చూసింది. టాక్కర్ వాడి లాలా తలీం చౌరస్తా వద్ద దుర్గేశ్ సింగ్(38) అనే వ్యక్తి హత్యకు గురయ్యాడు. ఆస్తి వివాదాల కారణంగా దుర్గేష్ ను భజరంగ్ తో పాటు సమీప బంధువులే కొట్టి చంపారని స్థానికులు తెలిపారు. ఘటన స్థలానికి చేరుకున్న పోలీసులు దర్యాప్తు చేపట్టారు. మృతదేహాన్ని ఉస్మానియా ఆస్పత్రికి తరలించారు.