నారాయణపేట: దర్గాలో ప్రార్థనలు చేసిన నేతలు

నారాయణపేట పట్టణంలోని తఖి బాబా ఉర్సు ఉత్సవాలు ఘనంగా జరుగుతున్నాయి. ఈ సందర్భంగా బుధవారం సాయంత్రం కాంగ్రెస్ పార్టీ నియోజకవర్గ ఇన్చార్జి, మాజీ డీసీసీ అధ్యక్షుడు శివకుమార్ రెడ్డి దర్గాలో ప్రత్యేక ప్రార్థనలు చేశారు. చాదర్, పూలు వేసి ప్రార్థనలు చేశారు. నిర్వాహకులు ఆయనను ఆశీర్వదించి, సన్మానించారు. కార్యక్రమంలో వ్యవసాయ మార్కెట్ కమిటీ చైర్మన్ సదాశివరెడ్డి, నాయకులు, మత పెద్దలు పాల్గొన్నారు.