అంధకారంలో ఆదిలాబాద్

ఆదిలాబాద్ జిల్లాలో అంధకారం నెలకొంది. పట్టణంలోని సీసీఐ టౌన్ షిప్ సమీపంలోని 33 కేవీ లైన్ లో సాంకేతిక సమస్య తలెత్తడంతో మూడు గంటలుగా విద్యుత్తు సరఫరా నిలిచిపోయింది. పట్టణంతో పాటు జైనథ్, బేల, ఆదిలాబాద్ రూరల్, తాంసి, తలమడుగు, భీంపూర్ మండల పరిధిలోని గ్రామాల్లో చీకటి అలుముకుంది. విద్యుత్ లేక ప్రజలు ఇబ్బందులు పడుతున్నారు. మరో వైపు సిబ్బంది విద్యుత్ సరఫరా పునరుద్ధరణకు శ్రమిస్తున్నారు.