கலைஞர் நாணயங்களை திமுக வீசி எறியுமா? - அன்புமணி கேள்வி

₹ அடையாளத்தை நீக்கியுள்ள திமுக, கலைஞர் நூற்றாண்டு நாணயங்களை வீசி எறிந்து விடுமா? என்று பாமக தலைவர் அன்புமணி ராமதாஸ் கேள்வியெழுப்பியுள்ளார். அவரது எக்ஸ் பதிவில், தமிழ்நாடு அரசின் நிதிநிலை அறிக்கை தொடர்பான முன்னோட்டத்தில் ரூபாய் என்பதன் அடையாளமான ₹ என்ற குறியீட்டை நீக்கி விட்டு, அதற்கு பதிலாக ரூ என்ற குறியீட்டை வைத்து, அதை ஏதோ புரட்சி போன்று திமுக அரசு விளம்பரம் செய்து கொண்டிருக்கிறது. இது போன்ற நாடகங்களை நடத்துவதற்கு பதிலாக தமிழகத்தின் பொருளாதாரத்தை மேம்படுத்த வேண்டும் என சாடியுள்ளார்.