இளையராஜாவின் திரையிசைப் பயணம் - விழா எடுக்கும் தமிழக அரசு

இசையமைப்பாளர் இளையராஜாவின் திரையிசைப் பயணத்தை கொண்டாடும் விதமாக தமிழக அரசு விழா எடுக்க உள்ளது. இதுகுறித்து முதல்வர் மு.க.ஸ்டாலின் தனது தள பக்கத்தில், இலண்டன் மாநகரில் சிம்பொனி சாதனை படைத்துத் திரும்பியுள்ள இசைஞானி இளையராஜா அவர்கள், அவரது பயணத்துக்கு வாழ்த்திய என்னை நேரில் சந்தித்து நன்றி கூறினார். அவரது அரை நூற்றாண்டுகாலத் திரையிசைப் பயணத்தை அரசின் சார்பில் கொண்டாட முடிவெடுத்துள்ளோம்! ராஜாவின் இசை ராஜ்ஜியத்தில் வாழும் ரசிகர்களின் பங்கேற்போடு இந்த விழா சிறக்கும்! என்று பதிவிட்டுள்ளார்.