ராஜபாளையம்: ரயில் முன் பாய்ந்து இளைஞர் தற்கொலை

விருதுநகர் மாவட்டம், இராஜபாளையம் அருகே நல்லமநாயக்கன்பட்டி இரயில்வே கேட் அருகே இரயிலில் அடிபட்டு ஆண் பிணம் கிடடப்பதாக ஸ்ரீவில்லிபுத்தூர் இரயில்வே போலீசாருக்கு தகவல் கிடைத்தது. அதன் பேரில் சம்பவ இடத்திற்கு சென்ற போலீசார் தனித்தனியாக கிடந்த உடலை கைப்பற்றி அரசு மருத்துவமனைக்கு அனுப்பி வைத்தனர்.

விசாரணையில் இராஜபாளையம் அருகே உள்ள புதூர் கிராமத்தை சேர்ந்த சிங்கராஜ் என்பவரின் மகன் மூர்த்தி (வயது 20), இவர் தனியார் பஸ்சில் ஓட்டுநராக வேலை பார்த்து வந்தார். மேலும் தனது கிராமத்தை சேர்ந்த ஒரு பெண்ணை மூர்த்தி காதலித்து உள்ளார். அந்த பெண்னை திருமணம் செய்யப்போவதாக தன் வீட்டில் கூறி இருக்கிறார். இதற்கு பெற்றோர் கடும் எதிர்ப்பு தெரிவித்ததாக கூறப்படுகிறது.

இந்த நிலையில் தற்கொலை செய்து கொள்ளும் விபரீத எண்ணத்தில் மூர்த்தி ராஜபாளையம் அருகே நல்லமநாயக்கன்பட்டி இரயில்வே கேட் அருகே தண்டவாளம் பகுதிக்கு சென்றார், கொல்லத்தில் இருந்து சென்னை நோக்கி வந்த இரயில் முன் பாய்ந்து தற்கொலை செய்து கொண்டார் என போலீசாரின் விசாரணையில் தெரியவந்தது. இதுகுறித்து அவருடைய தந்தை சிங்கராஜ் அளித்த புகாரின்பேரில் ஸ்ரீவில்லிபுத்தூர் இரயில்வே போலீசார் வழகுப்பதிவு செய்து விசாரித்து வருகின்றனர்.