திருக்கோவிலுார்: அரசு ஆண்கள் பள்ளியில் கலை திருவிழா

திருக்கோவிலுார் அரசு ஆண்கள் மேல்நிலைப் பள்ளியில், கலைத் திருவிழா நடந்தது.

பள்ளிக் கல்வித்துறை சார்பில் நடந்த நிகழ்ச்சியில், திருக்கோவிலுார் தாலுகாவிற்குட்பட்ட அரசு பள்ளிகள் பங்கேற்றன. நிகழ்ச்சிக்கு, தலைமை ஆசிரியர் பாஸ்கரன் தலைமை தாங்கினார்.

வட்டாரக் கல்வி அலுவலர்கள் முரளிகிருஷ்ணன், கஜேந்திரன் முன்னிலை வகித்தனர். வட்டார வளமைய மேற்பார்வையாளர் சந்தியாகு சிங்கராயன் வரவேற்றார். நகரமன்ற தலைவர் முருகன் குத்து விளக்கேற்றி கலை நிகழ்ச்சியை துவக்கி வைத்தார். துணைத்தலைவர் உமாமகேஸ்வரி குணா, கவுன்சிலர்கள் புவனேஸ்வரி, கோவிந்தன், ஜெகன் சிறப்புரையாற்றினர்.

தலைமை ஆசிரியர்கள் ரவி, ராஜேந்திரன், ரமேஷ், இளஞ்செழியன், சேகர், நெடுஞ்செழியன், சீனிவாசன், செல்வகுமார், மகேஷ் மாணவர்களை வழிநடத்திச் சென்றனர். கலைத் திருவிழாவில் முதலிடம் பிடித்த மாணவர்களுக்கு பரிசு மற்றும் சான்றிதழ் வழங்கப்பட்டது.