சென்னகுணம் அருகே குடும்ப தகராறு; ஒருவர் கைது

சென்னகுணம் கிராமத்தைச் சேர்ந்தவர் புருஷோத்தமன், 37; இவரது மனைவி சத்யா, 35; சில தினங்களுக்கு முன் இருவருக்குமிடையே குடும்பத் தகராறு ஏற்பட்டது. கோபமடைந்த சத்யா அதே கிராமத்தில் உள்ள தனது அண்ணன் மணிவண்ணன், 47; வீட்டில் தங்கினார். நேற்று முன்தினம் காலை புருஷோத்தமன், மணிவண்ணனின் வீட்டிற்குச் சென்று, தனது மனைவியை வீட்டிற்கு அனுப்புமாறு கேட்டு தகராறு செய்து மணிவண்ணனை தாக்கினார். புகாரின் பேரில், காணை போலீசார் வழக்கு பதிந்து, புருஷோத்தமனை கைது செய்தனர்.