ராணிப்பேட்டை: பள்ளி மாணவர்களுக்கு பேச்சுப்போட்டி அறிவிப்பு!

தமிழ் வளர்ச்சித்துறை சார்பில் மகாத்மா காந்தி, ஜவகர்லால் நேரு, அம்பேத்கர், தந்தை பெரியார், அண்ணா, கருணாநிதி ஆகியோரின் பிறந்த நாளன்று மாவட்ட அளவில் கல்லூரி மற்றும் பள்ளி மாணவர்களுக்கு பேச்சுப் போட்டி நடத்தி பரிசு, பாராட்டுச் சான்றிதழ் வழங்க அறிவிப்பு செய்யப்பட்டிருந்தது.

அதன்படி ராணிப்பேட்டை மாவட்டத்தில் அண்ணா பிறந்த நாள் பேச்சுப்போட்டி வருகிற 3-ந் தேதி காலை 10 மணியளவில் பள்ளி மாணவர்களுக்கும், பிற்பகல் 1. 30 மணியளவில் கல்லூரி மாணவர்களுக்கும், தந்தை பெரியார் பிறந்த நாள் பேச்சுப்போட்டி 4-ந் காலை 10 மணியளவில் பள்ளி மாணவர்களுக்கும், பிற்பகல் 1. 30 மணியளவில் கல்லூரி மாணவர்களுக்கும் காட்பாடி, அரசு ஆண்கள் மேல்நிலைப் பள்ளியில் நடைபெற உள்ளது.

பள்ளி, கல்லூரி மாணவர்களுக்கான பேச்சுப்போட்டியில் பங்குபெற்று வெற்றி பெறும் மாணவர்களுக்கு மாவட்ட அளவில் முதல் பரிசாக ரூ. 5 ஆயிரம், இரண்டாம் பரிசாக ரூ. 3 ஆயிரம், மூன்றாம் பரிசாக ரூ. 2 ஆயிரம் மற்றும் பாராட்டு சான்றிதழ் வழங்கப்படும்.

இப்போட்டிகளில் பங்கேற்பதற்கான விண்ணப்பம் மற்றும் விதிமுறைகள் கல்லூரி இணை இயக்குனர் வாயி லாக அனைத்து கல்லூரிகளுக்கும், முதன்மைக் கல்வி அலுவலர் வாயிலாக அனுப்பப்பட்டுள்ளது. ராணிப்பேட்டை மாவட்டத்தில் உள்ள அரசு மற்றும் தனியார் பள்ளி, கல்லூரிகளில் பயிலும் மாணவ- மாணவிகள் பங்கேற்று பயன் பெறலாம் என ஆட்சியர் சந்திரகலா தெரிவித்துள்ளர்.