அரக்கோணம்: தேர்வு மையத்தில் ஆட்சியர் ஆய்வு

தமிழ்நாடு முழுவதும் நேற்று(செப்.14) தமிழ்நாடு அரசுப் பணியாளர் தேர்வாணையம் நடத்திய குரூப்-2 மற்றும் 2ஏ தேர்வுகள் நடைபெற்றது. அதன்படி ராணிபேட்டை மாவட்டத்தில் ராணிப்பேட்டை மற்றும் அரக்கோணம் என 2 தேர்வு இடங்களாக பிரிக்கப்பட்டு 43 தேர்வு மையங்களில் 8,392 பேர் தேர்வு எழுதினர்.

இந்தநிலையில் அரக்கோணம் அடுத்த தண்டலம் எஸ். என். வி. மெட்ரிக் பள்ளி தேர்வு மையத்தில் மாவட்ட ஆட்சியர் சந்திரகலா பார்வையிட்டு ஆய்வு செய்தார். மேலும் மாற்றுத்திறனாளிகள் உதவியாளருடன் தேர்வு எழுதியதையும் பார்வையிட்டு ஆய்வு செய்தார். அப்போது அரக்கோணம் தாசில்தார் ஸ்ரீதேவி உடன் இருந்தார்.