அண்ணாமலையார் கோவிலில் கர்நாடக துணை முதலமைச்சர் தரிசனம்
திருவண்ணாமலை அண்ணாமலையார் கோயிலில் கர்நாடக மாநில துணை முதலமைச்சர் டி. கே. சிவக்குமார் தனது குடும்பத்துடன் வந்து சுவாமி தரிசனம் செய்து வழிபட்டார். நகர காங்கிரஸ் கமிட்டி தலைவர் வெற்றிச்செல்வன், முன்னாள் எம். எல். ஏ விஜயகுமார் உள்ளிட்ட பலர் உடன் இருந்தனர். சாமி தரிசனம் செய்த பின்னர் செய்தியாளர்களை சந்தித்த கர்நாடக மாநில துணை முதலமைச்சர் டி. கே. சிவக்குமார், கர்நாடக மாநிலத்தில் நடைபெற்ற சட்டமன்றத் தேர்தல் முடிவுகளுக்கு முன்னதாக திருவண்ணாமலை அண்ணாமலையார் திருக்கோவிலுக்கு வந்து சுவாமி தரிசனம் செய்துவிட்டு சென்றதாகவும், அதன் பலனாக கர்நாடக மாநிலத்தில் ஒரு நல்ல அரசு அமைந்தது என்றும், மாநிலத்தில் நல்ல மழையும் பெய்துள்ளது எனவும், கோயிலை சுற்றி நல்ல மாற்றங்கள் மற்றும் வளர்ச்சி பணிகள் நடைபெற்று உள்ளதை காண முடிகிறது என்றும், ஆயிரம் ஆண்டுகளுக்கு முன்னர் நம்முடைய கலைஞர்கள் சிறப்பான முறையில் கோயிலை வடிவமைத்துள்ளனர். இங்குள்ள அரசாங்கம் இங்கு சிறப்பான முறையில் செயல்பட்டு வருகிறது. நதிகள் அனைத்தையும் இணைத்தால் அனைவருக்கும் பலன் உள்ளதாக இருக்கும். ஏராளமான மழை நீர் கடலுக்குச் செல்வது தடுத்து நிறுத்தப்படும் என்று தெரிவித்தார்.
