பள்ளி மாணவர்கள் சதுரங்கப் போட்டியில் சிறப்பிடம்

திருவண்ணாமலை மாவட்டம், தெள்ளாறு ஒன்றிய அளவில் நடைபெற்ற சதுரங்கப் போட்டியில் வந்தவாசி அடுத்த சி. ம. புதூர் ஊராட்சி ஒன்றிய தொடக்கப்பள்ளி மாணவர்கள் ஆண்கள் பிரிவில் ஒன்றிய அளவில் 5 ஆம் வகுப்பு மாணவர்கள் மாதேஷ் முதல் இடமும், ஜெகதீஸ்வரன் மூன்றாம் இடமும் பிடித்தனர். பெண்கள் பிரிவில் 5ஆம் வகுப்பு மாணவி தனுஸ்ரீ மூன்றாமிடம் பிடித்தார்.

பள்ளியில் நடைபெற்ற அவர்களுக்கான பாராட்டு விழாவில் தெள்ளார் வட்டார கல்வி அலுவலர் தே. ரங்கநாதன் பங்கேற்று மாணவர்களை பாராட்டி பாராட்டு சான்றிதழும், வெற்றிப் பதக்கத்தையும் வழங்கினார். உடன் பள்ளி மேலாண்மை குழு தலைவர் தமிழ்ச் செல்வி, தலைமை ஆசிரியர் டி. ஆர். நம் பெருமாள் ஆகியோர் பங்கேற்றனர்.