ஆஞ்சநேயர் கோவில் புரட்டாசி மாத சிறப்பு பூஜை

திருவண்ணாமலை மாவட்டம், சேத்துப்பட்டு ஆரணி சாலையில் அருள்பாலிக்கும் ஸ்ரீ ஜெய வீர விஸ்வரூப பஞ்சமுக ஆஞ்சநேயர் சுவாமி கோவிலில் இன்று (செப் 21) புரட்டாசி மாத முதல் சனிக்கிழமையை முன்னிட்டு வீணை இசைத்தபடி ஞான அனுமான் அலங்காரத்தில் அமர்ந்த கோலத்தில் பக்தர்களுக்கு அருள் பாலித்தார்.

முன்னதாக சுவாமிக்கு சிறப்பு அபிஷேகம் மற்றும் அலங்காரம் நடைபெற்று சிறப்பு தீபாரதனை காண்பிக்கப்பட்டது. இதில் சுற்றுவட்டார பகுதிகளில் இருந்து ஏராளமான பக்தர்கள் கலந்து கொண்டு சுவாமி தரிசனம் செய்தனர். பின்னர் அனைவருக்கும் அன்னதானம் வழங்கப்பட்டது.