அவிநாசி: ரூ. 4 லட்சத்திற்கு பருத்தி ஏலம்

அவிநாசி வேளாண்மை உற்பத்தியாளர் கூட்டுறவு விற்பனை சங்கத்தில் பிரதிவாரம் புதன்கிழமை பருத்தி ஏலம் நடைபெறும். அந்த வகையில் இந்த வாரம் பருத்தி ஏலத்திற்கு 186 மூட்டை பருத்தி கொண்டு வரப்பட்டது. இதில் ஆர். சி. எச். ரகப்பருத்தி குவிண்டால் ரூ. 7 ஆயிரம் முதல் ரூ. 8, 156 வரையிலும், மட்ட ரக பருத்தி குவிண்டால் ரூ. 2 ஆயிரம் முதல் ரூ. 3 ஆயிரம் வரையிலும் வியாபாரிகள் ஏலத்தில் எடுத்தனர். ஏலத்தின் மொத்த மதிப்பு ரூ. 4 லட்சத்து 24 ஆயிரம் என்று சங்க நிர்வாகிகள் தெரிவித்தனர்.